കക്കയിറച്ചി തേങ്ങച്ചോറ്

കക്ക. 3kg
നേരിയരി. രണ്ടര ഗ്ലാസ്(വലിയഗ്ലാസ്)
സവാള. 4
ഇഞ്ചിവെളുത്തുള്ളിപേസ്റ്റ്. രണ്ട്സ്പൂൺ
പച്ചമുളക്10-12
തക്കാളി. രണ്ട്
തേങ്ങ. അരമുറി
പെരുംജീരകം. ഒരുസ്പൂൺ
ഗരംമസാല. അരസ്പൂൺ
മഞ്ഞൾപൊടി. അരസ്പൂൺ
ഉപ്പ്
എണ്ണ
വെള്ളം
കറിവേപ്പില,മല്ലിയില

തയ്യാറാക്കുന്നവിധം

കക്ക വൃത്തിയാക്കി അൽപം വെള്ളവും ഉപ്പും ചേർത്ത് വേവിക്കുക. തണുത്താൽ ഇറച്ചി വേർതിരിച്ച് വയ്ക്കുക.ഒരുഗ്ലാസ് വേവിച്ച വെള്ളം മാറ്റി വയ്ക്കുക.
തേങ്ങ, പെരുംജീരകം,ഒരു കഷ്ണം സവാള ചേർത്ത് തരുപ്പായി അരച്ചു വയ്ക്കുക.
ചെമ്പ് ചൂടാക്കി എണ്ണ ഒഴിച്ച് സവാള വഴറ്റുക
ഇഞ്ചി,വെളുത്തുള്ളി പേസ്റ്റ് ചേർക്കുക.ചതച്ച പച്ചമുളക് ചേർക്കുക.ഗരം മസാല ചേർക്കുക.കക്കയിറച്ചി ചേർക്കുക.
തക്കാളി ചേർത്ത് വഴറ്റി അരപ്പ് ചേർക്കുക.
കക്കയുടെ വെള്ളവും സാധ വെള്ളവും കൂടി അഞ്ച് ഗ്ലാസ് വെള്ളം ഒഴിക്കുക.ആവശ്യത്തിന് ഉപ്പ് ചേർത്ത് തിളക്കുമ്പോൾ അരിയിടുക. വെന്തു കഴിഞ്ഞാൽ മിക്സ് ചെയ്ത് മല്ലിയിലയും കറിവേപ്പിലയും ചേർത്ത് ചൂടോടെ വിളമ്പാം.
(കക്കയുടെ വെള്ളത്തിൽ ഉപ്പ് ഉണ്ടാക്കും .ശ്രദ്ധിച്ച് ഉപ്പിടുക)