പാർലി -ജി ബിസ്കറ്റ് കേക്ക്

പേര് പോലെ തന്നെ പാർലി-ജി ബിസ്കറ്റ് ഒരു 20 എണ്ണം മിക്സിയിൽ പൊടിച്ചു എടുത്തു ഒരു പാത്രത്തിൽ ഇടുക. ഇതിലേക്ക് ഒരു 4 ടേബിൾസ്പൂൺ പൊടിച്ച പഞ്ചസാര, അര ടീസ്പൂൺ ബേക്കിംഗ് പൗഡർ, രണ്ടു സ്പൂൺ കോകോ പൗഡർ, ആവശ്യത്തിന് പാല് ഇത്രേം ചേർത്ത് നന്നായി മിക്സ്‌ ചെയ്തു വക്കുക. മൈക്രോവേവ് ആയതു കൊണ്ടു ഒരു ഗ്ലാസ്സ് പാത്രത്തിൽ ബട്ടർ തേച്ചു അതിലേക്ക് ഈ കൂട്ടൊഴിച്ചു 4 മിനിറ്റ് ടൈം സെറ്റ് ചെയ്ത് ബേക്ക് ചെയ്തെടുത്തു തണുക്കാൻ മാറ്റി വക്കുക.
ഒരു പാത്രത്തിൽ കാൽ കപ്പ്‌ വിപ്പിംഗ് ക്രീമും കുറച്ച് പഞ്ചസാര പൊടിച്ചതും അര ടീസ്പൂൺ വാനില എസ്സെൻസും ചേർത്ത് നന്നായി ബീറ്റ് ചെയ്തെടുക്കുക. ഇത് മാറ്റിവെക്കുക.
കേക്ക് തണുത്താൽ പാത്രത്തിൽ നിന്നും വേർപെടുത്തി ഒരു പ്ളേറ്റിലേക് മാറ്റുക. ഇതു ഒന്നു സ്ലൈസ് ചെയ്യുക. ഇതിൽ ക്രീം തേച്ചു കൊടുക്കുക. പിന്നെ അങ്ങോട്ട്‌ മുഴുവനും ക്രീം തേച്ചതിനു ശേഷം ചെറി വച്ച് അലങ്കരിക്കുക...