തക്കാളി ചമ്മന്തി

ദോശക്കും, ഇഡ്‌ലിക്കും ,ചോറിനും ഒക്കെ പറ്റിയ ഒരു ചമ്മന്തി ആണിത്. എരിവിന് അനുസരിച്ചു മുളകിന്റെ എണ്ണം കൂട്ടാം.

തക്കാളി - 2
തേങ്ങാ - 1 / 2 കപ്പ്
സവാള - 1
വെളുത്തുള്ളി - 4
ഇഞ്ചി - ചെറിയ കഷ്ണം
ഉണക്ക മുളക് - 4

പാനിൽ എണ്ണ ചൂടാക്കി ഉണക്ക മുളക് ഒന്ന് വറുത്ത ശേഷം , സവാള , ഇഞ്ചി, വെളുത്തുള്ളി,കറി വേപ്പില ചേർത്ത് വഴറ്റുക. സവാള ബ്രൗൺ നിറമാകുമ്പോൾ തക്കാളി അരിഞ്ഞതും , ഉപ്പും ചേർത്ത് ഇളക്കുക.അടച്ചു വെച്ച് വേവിക്കുക.
തക്കാളി വെന്തു എണ്ണ തെളിയുമ്പോൾ, ഫ്ലെയിം ഓഫ് ചെയ്തു , തേങ്ങാ ചേർത്ത് ഇളക്കുക. ഒന്ന് തണുത്തു കഴിഞ്ഞാൽ വെള്ളം ചേർക്കാതെ പേസ്റ്റ് പോലെ അരച്ചെടുക്കുക