കടല ബിരിയാണി

ആവശ്യമുള്ള സാധനങ്ങള്‍

കടല വേവിച്ചത്-2 കപ്പ്
ബസ്മതി റൈസ്-2 കപ്പ്
തേങ്ങാപ്പാല്‍-2 കപ്പ്
തക്കാളി-2
സവാള-2
ഇഞ്ചി-വെളുത്തുളളി പേസ്റ്റ്-1 ടീസ്പൂണ്‍
മുളകുപൊടി-1 ടീസ്പൂണ്‍
ഗരം മസാല-1 ടീസ്പൂണ്‍
നെയ്യ്-2 ടേബിള്‍ സ്പൂണ്‍
വെള്ളം-ഒന്നരക്കപ്പ്
എണ്ണ
ഉപ്പ്
മല്ലിയില
മുഴുവന്‍ മസാലകള്‍
(ഏലയ്ക്ക, വയനയില, കറുവാപ്പട്ട, ഗ്രാമ്പൂ)

മസാല പേസ്റ്റിന്

മല്ലിയില-അല്‍പം
പുതിനയില-അല്‍പം
തേങ്ങാ ചിരകിയത്-1 മുറി
വെളുത്തുള്ളി-3 അല്ലി
ചെറിയുളളി-5
പച്ചമുളക്-2

തയ്യാറാക്കുന്ന വിധം

ഒരു പ്രഷര്‍ കുക്കറില്‍ അല്‍പം നെയ്യും എണ്ണയും ചേര്‍ത്തു ചൂടാക്കുക.
ഇതില്‍ മുഴുവന്‍ മസാലകളും സവാളയുമിട്ടു വഴറ്റണം. ഇഞ്ചി-വെളുത്തുള്ളി പേസ്റ്റും തക്കാളിയും ചേര്‍ത്തിളക്കണം.

മസാല പേസ്റ്റിനുളള ചേരുവകള്‍ പാകത്തിനു വെള്ളം ചേര്‍ത്ത് മയത്തില്‍ അരച്ചെടുക്കുക.

ഈ കൂട്ട് വഴറ്റുന്ന സവാളക്കൂട്ടിലേയ്ക്കിട്ടിളക്കുക.

മസാലപ്പൊടികള്‍, ഉപ്പ്, വേവിച്ച കടല എന്നിവ ഇതിലേയ്ക്കിട്ടിളക്കുക.
ഇതില്‍ അരി ചേര്‍ത്തിളക്കണം. തേങ്ങാപ്പാള്‍, വെള്ളം എന്നിവയും ചേര്‍ത്തിളക്കി രണ്ടു മൂന്നു വിസില്‍ വരുന്ന വരെ വേവിച്ചെടുക്കണം.
വെന്ത് വാങ്ങി കശുവണ്ടിപ്പരിപ്പ്, ഉണക്കമുന്തിരി എന്നിവ ചേര്‍ത്തു വേണമെങ്കില്‍ അലങ്കാരിയ്ക്കാം.